Un incendio nun edificio de vivendas de Xove obriga a evacuar a unha perso

Unha persoa tivo que ser evacuada cando este mediodía se declarou un incendio na terraza dun edificio de vivendas na urbanización de Palmeiro, na localidade lucense de Xove.

Segundo informaron os servizos de emerxencias do 112, foros os primeiros veciños os que deron o aviso do lume arredor das 12:30 horas. Explicaron que o lume consumía unha grella e unha lavadora do segundo andar.

O 112 deu aviso aos Bombeiros de Vivieiro e a Protección Civil da Mariña Lucense. Asimismo, o persoal municipal que se atopaba na zona decidiu desaloxar o edificio por precaución.

Os efectivos de Viveiro ultiman neste momento a extinción do incendio, que se centrou nos electrodomésticos afectados polo lume. Aínda que non se puido confirmar a orixe do incendio, os bombeiros confirmaron que a estrutura do edificio non foi afectada.