Operativo en Valdoviño para rescatar a un home que logrou saír do mar polos seus propios medios

Un operativo tivo que ser activado este domingo para rescatar a unha persoa na praia da Frouxeira, en Valdoviño. Tras loitar contra a corrente durante varios minutos, finalmente, o afectado logrou saír da auga polos seus propios medios tras chegar a unhas rocas.

Segundo informa o 112 Galicia, foi pasadas as 18.30 horas cando recibiron a chamada de diversos particulares, que alertaron de que unha persoa estaba a ser arrastrada polo mar.

Até alí desprazáronse Urxencias Sanitarias de Galicia-061, Garda Civil, Policía Local e os voluntarios de Protección Civil de Valdoviño.

Con todo, a persoa afectada estivo consciente en todo momento, pero presentaba síntomas de esgotamento.