Mar abre as axudas a creación de OPP e asociacións de produtores pesqueiros

As Organizacións de Produtores Pesqueiros (OPP) e as asociacións de organizacións de produtores pesqueiros poden solicitar as axudas da Consellería do Mar para a creación e consolidación destes entes.

A convocatoria das axudas foi publicada no Diario Oficial de Galicia (#DOG) o pasado día 9, polo que o prazo de solicitude é dun mes a contar desde o día seguinte desta publicación.

Están dotadas con 400.000 euros, cofinanciados polo Fondo Europeo Marítimo, de Pesca e de Acuicultura (Fempa) e contribúen a impulsar a actividade do sector e o seu desenvolvemento, xerando emprego e riqueza no marco dunha economía azul sostible.