A viguesa Netun Solutions "xubila" aos triángulos en caso de accidente coa luz V-16

A empresa española Netun Solutions creou a nova baliza V-16 'Help Flash loT+', unha evolución do seu actual modelo cunhas cinco veces máis de potencia e conectada e homologada pola DXT.

A compañía con sede en Vigo e Madrid incrementou en máis de 200 candeas a potencia da baliza, un aumento do 186%, o que supón de até cinco veces máis do requirimento mínimo esixido para este tipo de equipos de seguridade.

Esta baliza conectada, que deberá usar de forma obrigatoria a partir do 1 de xaneiro de 2026 en caso de avaría ou de accidente nas estradas, presenta unha mellora respondendo "as preocupacións que teñen algúns condutores fronte ás que se atopan no mercado", expón Netun Solutions.
 

A empresa explica que todas as luces V-16 homolagadas emiten escintileos de alta intensidade visibles até a un quilómetro de distancia, visibles incluso, a plena luz do día. Como outra novidade, grazas ao sistema 'Eye Protect' de Netun, os primeiros segundos de aceso teñen un escintileo inferior ao normal para colocar o dispositivo sen molestar a visión do usuario.

"Desde que lanzamos en 2016 a primeira baliza V-16, a innovación foi parte do noso ADN. Non se trata só de ser os primeiros, os máis fiables ou os máis tecnolóxicos, senón de aplicar cada avance cun propósito claro: protexer vidas a través dunha tecnoloxía útil e comprometida coa seguridade viaria", asegurou o director de mercadotecnia de Netun Solutions, Alejandro González.