Traballador de Stellantis Vigo chama "amarelo" a un xefe, "marioneta" a un compañeiro e recibe unha sanción
Na planta de Stellantis en Balaídos,Vigo, un traballador foi sancionado cunha suspensión de emprego e soldo durante 45 días por insultar a un compañeiro de traballo. A empresa decidiu aplicar esta medida despois de que o empregado cualificase ao seu colega de “marioneta dos xefes” nunha discusión na fábrica.
Segundo as fontes, o incidente tivo lugar en 2021, cando o traballador sancionado reprochou ao seu compañeiro pola súa estreito relación cos encargados, dicindo ademais que el chegara ao seu posto sen a necesidade de "chuparlla a ningún encargado". Posteriormente, a un superior tachoulle de "Ao Capone", o capo de mafia, e cualificouno de "amarelo", termo que usan os proletarios para referir a compañeiros e sindicatos que defenden máis os intereses da empresa que os dos aslariados.
Tras a sanción imposta por Stellantis, o caso chegou aos tribunais, e a Sala do Social do Tribunal Superior de Xustiza de Galicia (#TSXG) falla a favor da empresa. Segundo a resolución, os comentarios constitúen unha falta moi grave, o que xustifica a sanción imposta.
A decisión ratifica que a sanción é proporcional á infracción cometida, pois a empresa considera que este tipo de actitudes perturban o ambiente laboral e non poden ser toleradas.
Este fallo reforza o poder das empresas para sancionar condutas inapropiadas que afecten a convivencia e a orde interna.
Escribe o teu comentario