Unha pequena téxtil de Vigo logra meter en preitos a Meta por borrarlle o Instagram

"O xulgado dá traslado ao grupo Meta para que conteste ás pretensións das demandantes no prazo de 20 días", indica Animosa. A compañía asegura que un "hackeo" provocou que Instagram borrase a súa conta. Un duro golpe para unha modesta empresa, pois tiña "máis de 20.000 seguidores".

O MURO DE SILENCIO DE FACEBOOK E OUTROS XIGANTES

A firma asegura que as súas solicitudes para recuperar a súa conta recibiron por resposta o máis absoluto silencio de Meta. Unha queixa que resoará entre moitos pequenos e medianos empresarios. É habitual que Meta e outros colosos da Rede obvien as solicitudes dos seus usuarios para liquidar desaguisados, mesmo cando ás veces son producidos por erros dos propios sistemas informáticos da plataforma.

Está por ver si agora que o asunto entrou en vía xudicial -da man da avogada Andrea Mendiola- Meta move ficha ou segue ignorando o tema. En todo caso, en Vigo xa celebran unha pequena vitoria "contra a tiranía dos novos xigantes de internet" e que creen  "dá continuidade ao espírito de loita contra a inxustiza que define á marca". 

Animosa naceu en Vigo hai sete anos produce moda e outros artigos inspirados en grandes figuras femininas da historia. Esta formada case na súa totalidade por mulleres. 

Instagram chegou a España  na década pasada e rapidamente fíxose moi popular no país. En pouco tempo, a rede social de fotografía converteuse nunha ferramenta esencial para os amantes da moda e a beleza, así como para os profesionais da industria.

CLAVE PARA As PEQUENAS MARCAS DE MODA

As marcas comezaron a utilizar Instagram para mostrar os seus produtos, compartir contido e conectar co seu público obxectivo de maneira máis directa e auténtica. Algo que permitiu alcanzar audiencias millonarias a axentes da industria téxtil até entón moi limitados polo escaso dos seus orzamentos de mercadotecnia, como Animosa.

Na actualidade, Instagram segue sendo unha das redes sociais máis populares en España e no mundo da moda segue sendo unha plataforma esencial para mostrar tendencias e produtos de moda e beleza.