A Xunta ve “trampa” na quita da débeda que quere aplicar o Goberno

O Goberno de España ofrece unha condonación de máis de 4.000 millóns de euros á comunidade, pero a Xunta rexéitaa de plano cualificándoa de "trampa" política, mentres a oposición denuncia unha "traizón" aos intereses galegos por motivos partidistas. Con todo, Galicia pechou o terceiro trimestre de 2025 cunha débeda pública que ascende a 12.051 millóns de euros, o que representa o 14,2% do seu Produto Interior Bruto (#PIB). Esta cifra supón unha débeda per cápita de 4.737 euros por habitante.

Neste escenario, o Goberno central ha proposto unha condonación de débeda que, no caso galego, cífrase en máis de 4.000 millóns de euros. Esta medida suporía unha redución superior ao 30% do pasivo total da comunidade.

A “MUTUALIZACIÓN” 

A pesar da magnitude da cifra, o Goberno galego mantén unha negativa total á proposta. Os seus argumentos baséanse nunha “visión global” da Facenda española. Desta forma, desde o goberno galego non ven unha quita senón unha redistribución. O goberno de Rueda sostén que a débeda non desaparece, senón que se "mutualiza". Ao pasar da comunidade ao Estado, repártese entre toda a cidadanía española.

Ao final, o balance que fai a Xunta resulta negativo para a ciudadaní. Segundo os cálculos do Executivo autonómico, aínda que a cada galego reduciríanselle 1.477 € de débeda autonómica, pasaría a asumir 1.702 € adicionais da débeda estatal, o que supón un endebedamento neto de 225 € máis por persoa.
 

Así pois, desde San Caetano cualifícase de "negocio ruinoso" a iniciativa do Goberno central. Ven que, como operación global, resultaría nun saldo negativo de 600 millóns de euros para Galicia. O argumento: se condonan 4.000 M€ pero asúmense 4.600 M€ doutras comunidades máis endebedadas. 

E aínda máis, segundo os cálculos da Xunta, esta operación non permitiría gastar máis en servizos públicos, xa que o aforro en intereses está excluído da regra de gasto. Por todo isto, consideran que a medida penaliza ás comunidades con "bo facer" financeiro e premia ás "malas xestoras".


“OPORTUNIDADE HISTÓRICA PERDIDA”
Desde a oposición, tanto o BNG como o PSdeG critican con dureza a negativa de Alfonso Rueda, atribuíndoa a unha estratexia de confrontación liderada por Alberto Núñez Feijóo. Os nacionalistas ven nesta quita o seu labor de presión sobre o Goberno tras o acordo de investidura. A deputada Noa Presas lembra que “o PP triplicou a débeda” desde que chegou ao goberno galego.

Ao contrario que a Xunta, os de Pontón sosteñen que o aforro en intereses, estimado pola AIReF en 767 millóns, permitiría investir máis en sanidade e ensino público. Por último, acusan á Xunta de usar "desculpas peregrinas" para non aceptar unha mellora das finanzas galegas.

Pola súa banda, o PSdeG critica o “seguidismo” da Xunta de Rueda ás políticas marcadas por Feijóo desde Madrid. Os socialistas galegos ven un “oportunidade histórica” para liberar recursos que doutra forma non sería posible.

Ante isto, sinalan que a negativa é unha "traizón" pero, doutra banda, sería un alivio financeiro inmediato que a Xunta rexeita por puro sectarismo. Advirten tamén que Galicia perderá case 300 millóns de euros en tres anos ao rexeitar a senda de déficit proposta polo Goberno.
 

O certo é que aliviar un terzo da débeda suporía, como sinalan as fontes consultadas, un beneficio para toda a sociedade galega. Reduciríanse presións económicas e financeiras que, de continuar, fan moi pouco atractivo o mercado galego para os investimentos. E isto ocorre nun momento no que os sectores produtivos, sobre todo os primarios, sofren os embates dos mercados internacionais.