Ryanair castiga a España pechando bases como a de Santiago e deixando sen voos a Vigo

A aerolínea de baixo custo irlandesa Ryanair anunciou drásticos recortes na súa operativa de inverno en España. A medida, que sorprendeu a moitas comunidades autónomas, afecto de cheo a Galicia, co peche da base de operacións de Santiago de Compostela e a cancelación de todos os voos que a compañía operaba co aeroporto de Vigo.

Actualmente, Ryanair opera desde Vigo unicamente a ruta a Barcelona, mentres que desde Santiago de Compostela mantén conexións nacionais e internacionais, aínda que xa anunciou recortes e o peche da súa base para a tempada de inverno. 

Até a data deste anuncio, Ryanair operaba desde o aeroporto de Santiago (#SCQ) a varias cidades españolas como Madrid, Valencia, Alacante, Málaga e Palma de Mallorca. Está por ver cales se manteñen.

Estas decisións forman parte dun plan máis amplo da aerolínea para reducir a súa capacidade nun 41% nas rexións españolas e nun 10% nas Illas Canarias durante a tempada de inverno. Segundo declarou a compañía, esta decisión responde ao que consideran unhas "taxas aeroportuarias excesivas e pouco competitivas" impostas por Aena.

Investimento perdido e rutas canceladas

A principal consecuencia do anuncio en Galicia é o peche da base que Ryanair tiña en Santiago, unha decisión que, segundo a compañía, representa a perda dun investimento de 200 millóns de dólares na autonomía. O aeroporto de Vigo tamén se verá afectado, xa que a aerolínea comunicou a cancelación de todas as súas conexións a partir de xaneiro de 2026.

En total, a aerolínea cancelará 36 conexións directas na España rexional e as Illas Canarias, retirando progresivamente voos que até agora eran fundamentais para a mobilidade de pasaxeiros nestes territorios.

Os efectos do plan de recortes non se limitan a Galicia. Aeroportos como os de Valladolid e Jerez de la Frontera permanecerán pechos para a aerolínea durante o inverno de 2025. Ademais, outras terminais verán reducida a súa capacidade de forma significativa: Zaragoza (-45%), Santander (-38%), Asturias (-16%) e Vitoria (-2%). En total, estas medidas supoñen a cancelación de 36 conexións directas coa España rexional e as Illas Canarias.

O conselleiro delegado de Ryanair, Eddie Wilson, afirmou nun comunicado que estas reducións prexudicarán "aínda máis aos aeroportos vulnerables" e conducirán a unha "perda de investimento, conectividad, turismo e emprego na España rexional", xa que moitas rutas se volverán "economicamente inviables". A compañía desviou dous millóns de prazas anuais, que orixinalmente estaban destinadas a España, cara a outros mercados como Italia, Marrocos, Croacia e Albania.

A batalla polas taxas

A confrontación entre Ryanair e o operador aeroportuario Aena non é nova. A aerolínea criticou repetidamente as políticas de taxas, alegando que frean o crecemento e a competitividade dos aeroportos rexionais. Pola súa banda, Aena defendeu as súas tarifas como necesarias para o mantemento e a modernización da infraestrutura aeroportuaria, e negou que sexan desproporcionadas en comparación con outros países europeos.

O conflito entre AENA e Ryanair vira ao redor da subida das taxas aeroportuarias que AENA —o operador estatal de aeroportos españois, controlado polo Estado— anunciou para 2026, cun incremento do 6,5%, situando o custo por pasaxeiro en 11,03 euros. Ryanair considera que este aumento é inxustificado e prexudicial, xa que, segundo a aerolínea, os aeroportos rexionais españois xa presentan unha infrautilización próxima ao 70% e a estrutura tarifaria, lonxe de incentivar tráfico, o desalienta fronte á competencia europea.

A compañía aérea ha decidido reducir drasticamente a súa capacidade en España e pechar bases en aeroportos rexionais como resposta directa a este encarecemento, coa retirada de máis dun millón de prazas e a cancelación de numerosas rutas desde inverno de 2025-2026. A dirección de Ryanair criticou a AENA por actuar como un monopolio que “rompe o modelo de baixo custo” e acusa o Goberno de “indiferenza” por non intervir para moderar as taxas nin incentivar o uso dos aeroportos menos rendibles, que dependen, en boa parte, da operativa de aerolíneas como Ryanair.

A compañía volveu a instar á Comisión Nacional dos Mercados e a Competencia (CNMC) e ao Goberno español a que rexeiten os "excesivos aumentos das taxas" que, segundo a aerolínea, expuxo Aena. A postura de Ryanair é clara: se non se amplía a conxelación das tarifas, a conectividad rexional, o turismo e o emprego seguirán sufrindo as consecuencias.

Ryanair di que mantén o seu compromiso co mercado español, pero insiste en que non pode xustificar un investimento continuado en aeroportos cuxo crecemento se ve "bloqueado por taxas excesivas e pouco competitivas".

Posibles consecuencias para o turismo galego

A decisión de Ryanair de pechar a súa base na capital galega e cancelar os seus voos a Vigo podería ter un impacto significativo no turismo, que depende en gran medida das aerolíneas de baixo custo para atraer visitantes. 

Aínda que outras compañías poden cubrir algunhas das rutas, o cesamento de operacións de Ryanair podería reducir a oferta de voos, o que afectaría á chegada de turistas e, polo tanto, á economía local. Hai que ter en conta que Santiago de Compostela xa está a notar este ano un descenso de número de pasaxeiros en Lavacolla.

Até o momento, nin Aena nin o Goberno de España pronunciáronse sobre as últimas declaracións da compañía irlandesa. A falta dun acordo entre ambas as partes ameaza cun inverno complicado para varios aeroportos españois, especialmente aqueles que viron o seu conectividad reducida ou, no caso de Galicia, gravemente comprometida. 

A situación podería xerar unha presión adicional sobre as autoridades para que busquen unha solución que protexa a conectividad aérea da España rexional.