O paro sobe en agosto en Galicia, que segue en cifras mínimas interanuais

Galicia rexistrou en agosto 1.833 parados máis nas oficinas de emprego, con respecto ao mes de xullo, e situouse en 109.691 desempregados, aínda que o número de parados descendeu con respecto a agosto de 2024 en 8.987 parados (unha baixada do 7,57 %).
 

Así se reflicte nos datos feitos públicos este martes polo Ministerio de Traballo e Economía Social, que tamén reflicten que, do total de parados en Galicia, 9.556 traballadores son estranxeiros (3.428 rexistrados na provincia da Coruña, 1.394 en Lugo, 1.663 en Ourense e 3.071 en Pontevedra).
 

Así mesmo, do total de parados rexistrados na Comunidade, 44.206 son homes e 65.485 son mulleres; mentres, hai rexistrados 4.119 parados menores de 25 anos.
 

Por provincias, a da Coruña rexistra nas súas oficinas de emprego o maior número de parados, con 43.595, un 2 % máis que o mes de xullo (855 parados máis); na provincia de Pontevedra hai inscritos 42.091 parados, un 1,25 % máis que o mes anterior (520 parados máis); na de Ourense hai 13.345 parados, un 1,95 % máis (255 parados máis); e en Lugo hai 10.660 parados inscritos, un 1,94 % máis (203 parados máis).

En termos interanuais, o número de parados descendeu en todas as provincias. Na Coruña hai 3.523 parados menos que en agosto de 2024 (-7,48 %); en Lugo hai 764 parados menos (-6,69 %); en Ourense rexistráronse 943 parados menos que hai un ano (6,6 %); e en Pontevedra hai 3.757 parados menos que en agosto de 2024 (-8,19 %).

PARADOS POR SECTORES

Por sectores de actividade, en Galicia hai 3.132 parados en agricultura (-16), 10.555 parados en industria (+273), 6.808 parados no sector da construción (+44), 79.177 parados en servizos (+1.441) e 10.019 parados sen emprego anterior (+91).

Por provincias, o número de desempregados de agricultura é de 933 na Coruña, 479 en Lugo, 586 en Ourense e 1.134 en Pontevedra. No caso da industria, hai 3.702 parados na Coruña, 799 en Lugo, 1.348 en Ourense e 4.706 en Pontevedra; na construción, son 2.908 parados na Coruña, 673 en Lugo, 790 en Ourense e 2.437 en Pontevedra.

No sector servizos, hai 31.868 parados rexistrados na Coruña, 7.554 en Lugo, 9.177 en Ourense, e 30.578 en Pontevedra; mentres que os parados rexistrados sen emprego anterior son 4.184 na Coruña, 1.155 en Lugo, 1.444 en Ourense e 3.236 en Pontevedra.

CONTRATOS REXISTRADOS

Segundo o Ministerio de Traballo e Economía Social, en Galicia rexistráronse 59.106 contratos en agosto, o que supón unha caída do 31,47 % con respecto a xullo (27.145 contratos menos) e unha caída do 4,35 % con respecto a agosto do ano pasado (2.689 contratos menos).

Do total, 7.979 contratos foron na industria, 1.511 en agricultura, 1.980 en construción e 47.636 no sector servizos. Ademais, 15.376 contratos foron indefinidos e 43.730 foron temporais. No que vai de ano, o número de contratos rexistrados acumulados en Galicia é de 479.914.
 

Por provincias, na Coruña rexistráronse 24.626 contratos en agosto (6.367 indefinidos), o que supón un 32,75 % menos que en xullo e un 6,95 % menos que hai un ano; en Lugo rexistráronse 6.391 contratos (1.873 indefinidos), un 34,4 % menos que en xullo e un 4,11 % menos que en agosto de 2024; en Ourense rexistráronse 5.139 contratos (1.278 indefinidos), que é un 24,91 %menos que en xullo e un 1,82 % menos que hai un ano; e en Pontevedra rexistráronse 22.950 contratos (5.858 indefinidos), que son un 30,55 % menos que o mes anterior e un 2,06 % menos que hai un ano.

PRESTACIÓNS POR DESEMPREGO

Con respecto aos beneficiarios de prestacións por desemprego, Galicia contaba en xullo cun total de 66.213 beneficiarios (39.317 pensións contributivas, 25.938 subsidios e 958 rendas activas de inserción).

Por provincias, o maior número de beneficiarios está na Coruña, con 26.120 beneficiarios, seguida por Pontevedra, con 25.534 beneficiarios. En Ourense hai 7.504 perceptores de prestacións e en Lugo hai 7.055.

Segundo o ministerio de Traballo, o gasto total das prestacións por desemprego en Galicia foi de 86,45 millóns de euros, e a contía media das prestacións foi de 958,9 euros ao mes.
 

Por provincias, a contía media na Coruña sitúase en 962,9 euros ao mes (cun gasto total de 34,2 millóns de euros); en Lugo é de 943,8 euros ao mes (gasto total de 8,9 millóns de euros); en Ourense a prestación media é de 938,8 euros ao mes (gasto total de 9,4 millóns de euros); e en Pontevedra a prestación media é de 964,3 euros ao mes (gasto total de case 34 millóns de euros).