Contrato de 1.15 millóns da Xunta para a vixilancia de verteduras na demarcación Galicia-Costa
A adxudicación foi realizada a través de Augas de Galicia
A Xunta, a través de Augas de Galicia, adxudicou por 1,15 millóns de euros o servizo de asistencia técnica na intervención, vixilancia e seguimento en materia de verteduras de augas residuais no ámbito da demarcación hidrográfica Galicia-Costa para os próximos dous anos, con opción de prórroga por até tres anos máis.
O obxectivo deste contrato é favorecer a sustentabilidade medioambiental e a xestión eficiente dos recursos hídricos en Galicia.
Para iso, vixiarán que as verteduras se realicen de acordo coas normativas vixentes e contribuíndo á protección dos ecosistemas acuáticos e á mellora da calidade das augas da Comunidade.
O servizo tamén busca conseguir unha maior eficacia na tramitación de expedientes, tanto novos como en curso, reducindo prazos e mellorando a transparencia na xestión das verteduras.
Escribe o teu comentario