Muface cambia as condicións da segunda licitación e deixa sen efecto o prazo do 27 de xaneiro

A Mutualidad Xeneral de Funcionarios Civís do Estado modificará as condicións da segunda licitación do próximo Concerto de Asistencia Nacional de Muface, polo que o prazo de presentación de ofertas que expiraba este luns 27 de xaneiro queda sen efecto.

Segundo informa Muface nun comunicado este sábado, acordarase un novo prazo para a presentación de ofertas tras esta retroacción, publicada na Plataforma de Contratación.
 

Muface subliña, ademais, que con independencia deste trámite, todos os seus mutualistas tanto os titulares como os beneficiarios, van continuar recibindo a mesma asistencia sanitaria que gozan coas condicións actuais, en virtude das ordes de continuidade do servizo ditadas pola Mutualidad de acordo co artigo 288 da Lei de Contratos do Sector Público.