Escalar a “costa de xaneiro” e baixar unha montaña de subidas nos prezos

As excepcións acabáronse. As rebaixas do IVE en determinados produtos, sobre todo a luz, volven ao 21% despois dunha tregua tras a COVID e ante a negativa española e portuguesa de non aceptar as condicións da UE para afrontar a máis que probable crise económica por mor da pandemia. Ao final, arrincouse a chamada “excepción ibérica” permitindo a España e Portugal afrontar rebaixas fiscais en canto a consumo de enerxía. Acabado este período de excepción, os cidadáns e cidadás da Península Ibérica teremos que empezar a controlar as contas e gastos domésticos para evitar sustos máis que desagradables. Así pois, comeza a costa de xaneiro máis dura prevista despois dos últimos tres anos. Aínda así, as previsións apuntan a que o Índice de Prezos ao Consumo (IPC) medio para 2025 situarase nun 2,1% interanual, reflectindo unha tendencia inflacionista moderada.

LUZ, A GRAN PROTAGONISTA

O ano comeza cun incremento notable nas facturas de electricidade. O IVE da luz volve ao 21%, o que suporá un aumento medio de até o 13% nos recibos dos fogares españois. Con todo, as persoas vulnerables seguirán beneficiar de descontos especiais. Por tanto, a estabilidade á que se chegou nos últimos anos desaparecerá, en parte debido á eliminación de subvencións e axustes nos mercados internacionais.

En canto á alimentación, a finalización das axudas contra a inflación e o retorno gradual dos tipos impositivos previos ao período de crise sanitaria contribúen a este incremento. Desta forma, varios produtos básicos experimentarán un aumento no IVE, entre outros, o pan, o leite, os ovos e as froitas pasarán do 2% ao 4%, mentres que os aceites de sementes e a pasta subirán do 7,5% ao 10%. Estes cambios poderían impulsar a inflación no sector alimentario, que pechou 2024 por baixo do 2%.

COMUNICACIÓNS, TRANSPORTES E TAXAS

As tarifas dos operadores de telefonía e Internet tamén se verán afectadas coas novas subidas. Así, as compañías de telefonía móbil e fibra (Orange, Vodafone e Movistar entre outras) xa anunciaron incrementos nos seus prezos, aínda que a magnitude varía segundo o operador e o plan contratado.

Outro sector que se verá especialmente afectado é o transporte debido a que as peaxes en autoestradas estatais aumentarán até un 4%. O incremento pode non quedar aí debido a que os carburantes se poderían encarecer si aplícase o imposto pendente ao diésel, o que podería elevar o seu prezo entre 10 e 11 céntimos por litro.

Os impostos ás rendas cun capital superior a 300.000 euros incrementarán o seu IRPF do 28% ao 30%. Tamén se creará unha nova taxa municipal de lixos en municipios con máis de 5.000 habitantes, que suporá un gasto adicional de entre 165 e 200 euros anuais por fogar.

AÍNDA HAI MÁIS

Os fumadores e fumadoras tampouco se librarán da nova situación. Aumentarán os impostos para vapeadores e cigarros electrónicos. Os envíos postais de Correos incrementan as súas tarifas un 8,5% para as cartas estándar.
 

Os servizos funerarios, que mantiveron o IVE xeral do 21% durante a pandemia, continúan con este tipo impositivo en 2025. Pola súa banda, produtos sanitarios que durante a crise sanitaria tributaron ao 0% de IVE volveron aos seus tipos impositivos orixinais.

En conclusión, a costa de xaneiro de 2025 perfílase como particularmente empinada para os fogares españois. Os aumentos xeneralizados en servizos esenciais, alimentos e taxas obrigarán a moitas familias a axustar os seus orzamentos e buscar estratexias para facer fronte a estes incrementos. A planificación financeira e o consumo responsable serán clave para navegar este inicio de ano economicamente desafiante.