Un estanco de Lugo reparte o terceiro premio, o 11.840, con 1,25 millóns vendido por máquina

A propietaria do estanco lucense que repartiu 1,25 millóns de euros co número 11.840, premiado no Sorteo de Lotaría de Nadal deste domingo co terceiro premio, confirmou que os 25 décimos foron vendidos por máquina.

En declaracións a Europa Press, a administradora deste negocio, María Luisa Cobas Vigo, confesouse "moi contenta" porque tan só é o segundo ano que este estanco vende Lotaría de Nadal e xa repartiu un terceiro premio.

Non é consciente polo momento de ningún dos afortunados porque ao ser un estanco, o negocio permanece pechado este domingo, pero cre que se trata de 25 décimos comprados por persoas "coñecidas" para repartir nas súas empresas, dado o elevado volume de boletos.

É tanto o seu optimismo que esta administradora de estanco, que anteriormente tiña unha libraría, mesmo apela a esperar ao Gordo, porque confía en que "o número da casa, o 05.294" co que xogan "moitos veciños", sexa o agraciado. Polo momento, do terceiro premio que si está amarrado confesa que non quedou con ningún décimo.