Falece o empresario Roberto Tojeiro Peleteiro, presidente de Intasa e conselleiro de Gadisa
O empresario Roberto Tojeiro Peleteiro, coñecido como Perico Tojeiro, faleceu este luns na Coruña, onde residía desde facía anos. Natural das Pontes e formado como enxeñeiro industrial, foi un destacado líder do sector empresarial galego, presidindo o grupo madeireiro Intasa (Industrias do Taboleiro S.A.) e participando activamente no Grupo Gadisa como accionista e conselleiro.
O empresario Roberto Tojeiro Peleteiro, presidente do grupo madeireiro Intasa, faleceu o luns na Coruña, segundo confirmaron fontes consultadas por Europa Press.
Perico Tojeiro tamén compartía lazos empresariais co seu curmán, Roberto Tojeiro Rodríguez, presidente do Grupo Gadisa, unha das maiores cadeas de distribución de Galicia, da que era membro do consello de administración..
A traxectoria empresarial de Perico Tojeiro estivo profundamente vinculada ás orixes da súa familia no mundo da madeira. O seu pai, José Tojeiro Díaz, comezou en 1943 unha iniciativa empresarial centrada neste sector, que máis tarde cristalizou en importantes compañías galegas como Intasa, situada en San Sadurniño; Unensa, en Carballo; e Galparquet, nas Pontes. Foi cargo de Reganosa até este verán, vicepresidente de Tojeiro Hermanos e tivo cargos Investimentos Macenda, Bens Inmobles Corporativos Atlánticos, Forestal do Atlántico, Tojeiro Maderas, Forestal Galaica e outras.
Residente na Coruña desde facía anos, Perico Tojeiro era unha figura moi coñecida e respectada nos círculos empresariais galegos.
Escribe o teu comentario