A rebaixa do imposto de patrimonio faille perder 11 millóns, pero a Xunta deféndea para evitar que a fuga de ricos
O Imposto do Patrimonio tiña unha bonificación en Galicia do 25% e este ano incrementouse ao 50%. Galicia segue competindo así nunha política de dumping fiscal entre autonomías. O recadado en Galicia por este concepto é moi pouco, hai anos nos que non chega á os 10 millóns de euros, cando antes a miúdo superaba os 21,5 millóns. Hoxe a directora da Axencia Tributaria Galega defendeu a medida.
A Xunta defendeu que a rebaixa do 50% no imposto do patrimonio que se aplica en Galicia desde 2023 permite "evitar a deslocalización" de persoas con fortunas "que non só tributan" por isto, senón que tamén o fan no IRPF ou os impostos ao consumo.
Así o manifestou a directora da Axencia Tributaria Galega, Sonia Lafont, en resposta a unha pregunta formulada pola deputada Patricia Igrexas durante a Comisión de Economía, reunida este venres no Parlamento de Galicia.
Alí, Lafont subliñou que rebaixar a carga fiscal aos grandes patrimonios permite que estes "non se deslocalicen" e abandonen Galicia cara a outros lugares con menores tributos.
Isto, continuou, suporía que "se perdería o 100%" do que pagan polo seu patrimonio, o IRPF ou impostos ao consumo como o IVE.
Nesta liña, sentenciou que "se asegura" que estes patrimonios altos "tributen" na Comunidade galega.
Escribe o teu comentario