Amancio Ortega cobrará en dividendos de Inditex case tanto como o que inviste a Xunta en educación

O xigante galego Inditex acaba de presentar as súas cifras de 2022 e son de marca. O grupo téxtil está en máximos tanto en facturación -algo previsible dada a alta inflación- como, e isto o o importante, en beneficios.

En concreto, a compañía de Arteixo presenta un beneficio de 4.130 millóns, case un 30 por cento máis que o ano pasado. Loxicamente, isto son grandes noticias para o seu principal accionista, o fundador Amancio Ortega.

O empresario embolsarase 2.217 millóns en dividendos. É unha cifra tan alta, tan afastada do que está afeito manexar o público, que custa atopar comparacións que axuden a interiorizarla.

Canto en realidade son eses 2.217 millóns? Darían por exemplo, para pagar case todo o que inviste a Xunta de Galicia en Educación durante un ano,  2.795 millóns, e case a metade do que dedica a Sanidade, 4.967 millóns. 

Sector público ao que, por certo, o empresario  contribúe con importantes doazóns de aparellos a través da Fundación Amancio Ortega.

Os dividendos que cobrará o magnate polos beneficios de Inditex en 2022 equivalen a cinco veces o que destina a Xunta de Galicia a emprego, segundo la clasificación funcional dos Orzamentos da Xunta de 2023 publicados pola Consellería de Facenda.

SORPRENDENTE REACCIÓN NO PARQUÉ?

Os mercados esperaban con gran expectación a presentación das contas de Inditex hoxe. Non en balde, eran as primeiras dun exercicio con Marta Ortega, a sucesora, á fronte da compañía.

Por agora, parece que os investidores non están particularmente impresionados polos números. A pesar de ser de marca, intúese que esperaban algo máis, pois os títulos na Bolsa de Madrid caían un 3,3%. 

Para comprender esa caída, que pode parecer sorprendente a pirmera vista, hai que lembrar que as accións en bolsa a miúdo oscilan en función non tanto do que representan os resultados anuais como da expectativa que había nos mercados sobre como ían ser esas cifras.

Así as cousas, tampouco se pode interpretar ese -3,3% como unha censura dos grandes investidores ao labor da primeira muller ao temón de Inditex. É un dato puntual, a evolución da cotización no último ano é boa. Canto a galega tomou as rendas os títulos andaban polos 22 euros e agora oscilan ao redor dos 28 euros.

Curiosamente, no que a salarios se refire, Marta Ortega non é a mellor paga en Inditex. Supéralle, e con moita diferenza,  o conselleiro delegado, Óscar García Maceiras. O soldo da presidenta non executiva foi de 834.000 euros mentres que o seu CEO cobrou máis de 8 millóns. Con todo, Marta Ortega cobrará aproximadamente outros 100.000 euros extra en calidade de conselleira.

No que a dividendos se refire, Marta Ortega obtén unhas migallas, pois só posúe ao seu nome menos do 0,1% dos títulos. Por que ten tan poucas accións? Amancio Ortega non traspasou aos seus vástagos a maioría dos seus títulos. Cando Inditex saíu a bolsa, Marta, entón menor de idade, posuía un 1% e preferiu vender e facer caixa.

EVOLUCIÓN DO ACCIONARIADO EN INDITEX

Inditex foi fundada en 1975 por Amancio Ortega e a súa entón esposa, a xa falecida Rosalía Mera. Desde entón, experimentou unha gran evolución no seu accionariado.

Nos seus primeiros anos, a empresa estivo completamente en mans do seu fundador e a súa primeira esposa, quen controlaban o 100% das accións. En 2001, Inditex realizou a súa saída a bolsa, o que permitiu a entrada de novos investidores e a expansión da propiedade accionarial.

Actualmente, a familia Ortega, a través das súas sociedades patrimoniais, mantén unha participación maioritaria na compañía. Segundo os datos dispoñibles a setembro de 2021, a participación da familia Ortega en Inditex é do 57,02%. A maior parte destas accións están en mans da sociedade Pontegadea Investimentos, propiedade de Amancio Ortega.

O resto das accións de Inditex distribúense entre investidores institucionais e comerciantes polo miúdo. Algúns dos principais accionistas institucionais da compañía son BlackRock, The Vanguard Group e Norges Bank Investment Management. 

Inditex é propietaria de varias marcas de moda líderes en todo o mundo. As principais marcas de Inditex son:

• Zara: A marca máis coñecida e exitosa de Inditex. Zara é unha marca de moda rápida que ofrece pezas de alta calidade a prezos alcanzables.
• Pull & Bear: Marca de moda nova e casual.
• Massimo Dutti: Marca de moda de alta gama.
• Bershka: Marca de moda xuvenil e urbana.
• Stradivarius: Marca de moda feminina e xuvenil.
• Oysho: Marca de roupa interior, roupa de durmir e roupa de baño.
• Zara Home: Marca de decoración para o fogar e téxtiles/téxtís para o fogar.