Hafesa, na que é directivo un investigado excargo da Xunta, promete unha planta de petróleo para Ferrol

Hafesa aínda non ten base en Galicia a pesar de que desde hai varios anos gañou o contrato para fornecer combustible á Armada Española, cuxa principal base no Atlántico está en Ferrol. Esta situación podería cambiar pronto, de facerse realidade o prometido hoxe.

Entre a súa directivos figura José Norberto Uzal Tresandi,  que foi director xeral de Administración Local da Xunta entre 2009 e 2013. Tresandí deixou moitos dos seus cargos no grupo nos últimos anos, incluído o de CEO, pero no Rexistro Mercantil, segundo einforma, aínda figura con cargos en varias filiais: Hafesa Subministracións Petrolíferas, Hafesa Oil e Hafesa Risks.

A carreira empresarial do ex-falanxista Tresandí está lastrada pola imputación de fraude fiscal que aínda pesa sobre Hafesa Enerxía.  O xuíz a Audiencia Nacional José Luís Calama ditou un auto onde propón xulgar unha suposta organización criminal desmantelada pola Axencia Tributaria e a Garda Civil en 2019

Segundo o citado auto, no período comprendido entre 2016 e 2019, HAFESA cometería supostamente unha fraude fiscal en concepto de #IVE de hidrocarburos superior aos 154 millóns de euros.  Aínda non se celebrou o xuízo. O auto sinala a posible comisión dos delitos de organización criminal, branqueo de capitais e contra a Facenda Pública.

Grupo Hafesa vai instalar unha nova planta de almacenamento e distribución de hidrocarburos en Ferrol (A Coruña) anteriormente dedicada ao almacenamento de biocombustibles, que representará un investimento adicional de 18 millóns de euros na mellora e adecuación das instalacións, informou a compañía.

Situada no Porto Exterior de Ferrol, o grupo dedicado á comercialización e distribución de produtos petrolíferos engadirá 12 tanques de almacenamento aos 36 que xa ten instalados en territorio español.
 

XA TEN CATRO PLANTAS
Grupo Hafesa indicou que esta nova planta potenciará as súas operacións no norte de España, onde xa dispón de instalacións en Bilbao e Xixón. Esta sería xa a quinta planta que instala a compañía que, ademais das plantas do norte, dispón tamén de plantas en Motril e Ocaña.

Coa instalación desta nova planta, cando entre en funcionamento, o grupo contará cunha capacidade de case 500.000 metros cúbicos para o almacenamento de hidrocarburos. Unha capacidade que estará tamén a disposición doutros clientes.

O director xeral de Grupo Hafesa, Diego Guardamino, sinalou que o obxectivo da compañía con este proxecto é "#consolidar no negocio do almacenamento ofrecendo aos clientes unha alternativa segura, flexible e ao mellor prezo". "Para iso, o crecemento no número de plantas propias resulta clave", dixo.