Dous fondos de Estados Unidos controlan as principais empresas do mundo e á vez son accionistas do seu rival

Non é moi coñecido pero hai dous xigantes do mundo financeiro que se esconden detrás de todas as Big Tech e de todas as grandes compañías do mundo. Dous fondos de investimento que xestionan un total de 17 billóns de dólares, é dicir, o #PIB de toda a Unión Europea. Como len, de toda a Unión Europea. 

Vanguard e BlackRock, pareceen así os auténticos donos do mundo. Estes dous xestores de fondos son o poder na sombra das principais empresas do mundo. Tal é así, que son os primeiros accionista de Apple, Google, Amazon , Coca Cola ou Disney .

Cando alguén necesita diñeiro, aí están BlackRock e Vanguard. Porque as grandes empresas non piden diñeiro aos bancos senón a estes dous monstros financeiros. 

E si seguimos falando de cifras BlackRock xestiona máis dun billón de activos, mentres que Vanguard ten máis de 700.000 millóns de dólares en accións.

Se nos fixamos nas grandes tecnolóxicas, vemos que Vanguard lidera a carreira con porcentaxes ao redor do 7%, mentres que BlackRock sitúase entre un 4%-5%.

A orixe destas empresas remóntase aos anos 70 en Estados Unidos e creáronse para axudar a crecer negocios a base de ofrecer créditos a cambio de accións. Aos poucos este tipo de financiamento popularizouse e foi crecendo até o que é hoxe en día. O seu alcance é tal que son tamén asesores da reserva federal dos Estados Unidos e toman parte na maioría das decisións sobre a economía global.

Curiosamente, Vanguard é o principal accionista de BlackRock e viceversa. Un "common ownership" que levantou moitas sospeitas sobre competencia. 

Ademais parece ser que tamén controlan gran parte das accións de empresas que supostamente son rivais.  Fronte á recesión que se achega, BlackRock xa envía as súas mensaxes de que haberá unha recesión leve en #EE.UU e unha máis profunda en Europa. Por iso optaron por aumentar a súa carteira de renda fixa e reducir as accións e impulsaron fusións en grandes compañías como as de telecomunicacións.  Moitas afirman por iso que son os verdadeiros donos do mundo financeiro.