A Secretaria de Estado de Transportes afirma que os trens Avril "non van chegar" a Galicia este ano

Pardo de Beira explicou que o atraso na chegada dos Avril débese a "unha demora en contruir os trens"


|

Arquivo -     Talgo recibiu este xoves o certificado de avaliación de conformidade definitivo do seu novo tren de moi alta velocidade, o 'Avril', que tras dous anos de exhaustivas probas e máis
A Secretaria de Estado de Transporte lamentou que os trens Avril non chegarán a Galicia en 2022

A secretaria de Estado de Transportes, Isabel Pardo de Beira, informou de que os trens Avril comprometidos polo Goberno para levar a alta velocidade á cidades galegas "non van chegar" en 2022, ao acumular un atraso por parte de Talgo, o fabricante.

"A este 2022 non van chegar, efectivamente. Con toda a documentación e a homologación o que fixen é contrastar coa Axencia Estatal de Seguridade, que é a que ten que dar os permisos, e facendo os cálculos non chega. Esperemos que non se afaste moito, uns meses", destacou a secretaria de Estado durante unha visita ao municipio coruñés de Ames.

 

Pardo de Beira explicou que "o problema de fondo" vén de "a demora en construír os trens" e asegurou estar a facer un "seguimento" desde a secretaría de estado.

Constatou que "é un prototipo inédito e require unhas probas de seguridade que son as que son e ata que Talgo cumpra non se vai a aprobar", antes de incidir en que "se se empezaron a fabricar en 2017 e non se tiraron dous anos e algo para empezar o problema non estaría na homologación", que é o proceso que se aborda agora.

 

Pardo de Beira apuntou que o próximo 5 de outubro está convocada unha nova reunión técnica e subliñou o seu compromiso para que os trens estean "canto antes, nos próximos meses", á marxe de discusións entre Renfe e Talgo.

En calquera caso engadiu que sente, pero que, con todo, "os problemas non se atallan nun ano" e neste caso, insistiu, "veñen de atrás". "No tema de alta velocidade non creo que deba eu ser cuestionada", apostilou.
 

Noutra visita a Santiago reiterou que se está facendo "un seguimento" e existe "coordinación coa Axencia Estatal de Seguridade" para que indique "cando poden estar" homologados os trens, para non contar "só" con "o compromiso de Talgo".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE