Vídeo | O Deportivo Abanca impúlsase cunha goleada en Logroño e afástase do descenso
O conxunto coruñés logrou o seu primeiro triunfo fóra de Riazor tras vencer ao DUX Logroño (0-4), nun partido que reforza a confianza e amplía o seu colchón sobre a zona baixa.
O Deportivo Abanca asinou unha vitoria crave nas Gaunas ao derrotar con contundencia ao DUX Logroño (0-4). O resultado supón o primeiro triunfo a domicilio do curso para as de Fran Alonso, que se afastan once puntos do descenso e consolidan a súa melloría tras semanas irregulares.
O encontro comezou con dominio galego e unha presión alta que pronto tivo premio. Espe Pizarro abriu o marcador cun potente disparo desde a frontal e Paula Gutiérrez ampliou distancias tras unha boa acción pola dereita de Lucía Rivas. A pesar dalgún intento local, o control branquiazul foi total.
Na segunda parte, as coruñesas non baixaron o ritmo. Pizarro volveu marcar para asinar o seu dobrete e a canteirá Rivas puxo o definitivo 0-4 nunha tarde redonda para o Dépor. A goleada devolve confianza e permite ao equipo respirar antes de recibir á Valencia en Riazor.
Escribe o teu comentario