O Celta anuncia as salidad de Bamba e da Torre e xa ten clara onde destinará o diñeiro para fichar

Tarde de fax nas oficinas da Sede. O Celta de Vigo está inmerso na operación saída e esta tarde concretou dúas partidas que, aínda que anunciadas, non deixan de ser noticia polo diñeiro que deixan en caixa e a masa salarial que liberan co seu adeus. Trátase de Jonathan Bamba e Luca da Torre, dous futbolistas que non contaban coa confianza de Claudio Giráldez e que emprenden unha nova aventura en Estados Unidos, cada un en condicións ben diferentes.

SAÍDAS...

A principal noticia é o traspaso do costamarfileño. Campión da Copa África o ano pasado, Bamba chegou a Vigo coa bitola de ser un líder e un futbolista diferencial. Tras moi bos anos en Líguea 1, o ex do Lille legaba a Balaídos como un xogador no seu momento cume, disposto a liderar a revolución que prometía Rafa Benítez. O seu paso por Vigo foi case igual de decepcionante que o do preparador madrileño: un ano e medio e vendido a Chicago Fire por preto de 2 millóns de euros, segundo transcendeu nalgunhas informacións.

O rendemento de Bamba non foi o esperado e este ano non se fixo coa titularidade. Giráldez prefire aos cachorros da Madroa antes que ao africano, que con 28 anos e pouco menos de 50 partidos como celeste se vai á liga estadounidense a tratar de relanzar a súa carreira ou, polo menos, ter o protagonismo que non atopou na liga. 

Tomará o mesmo avión que Luca da Torre, aínda que este viaxa con billete de volta. O estadounidense vaise á liga do seu país, esta vez para integrar o persoal inaugural do San Diego FC, unha franquía que debutará o ano que vén no campionato norteamericano, sempre en expansión e cambio. Faio en calidade de cedido e o seu rendemento marcará o seu regreso.

O americano vaise tras sumar só catro minutos este cuso en liga. As lesións e a competencia no centro do campo relegárono ao ostracismo, aínda que sempre se esperou máis deste xogador que chegou hai dous anos e medio e que, en realidade, nunca terminou de dar o resultado que se lle presupuña cando chegou de Holanda. 

...E CHEGADAS

As súas saídas alixeiran o persoal, engordan as arcas e fan sitio para fichaxes. Con todo, o anuncio que se espera dar proximamente é o da contratación dun xogador que xa viste a zamarra celtiña. Trátase de Ilaix Moriba, cedido polo RB Leipzig e que podería ser adquirido en propiedade esta mesma semana. 

O seu bo desempeño en Vigo motivaron que Garcés valore dar o paso definitivo para pechar a súa contratación por uns 5 millóns de euros, unha cantidade que, liberando o salario de Bamba e co diñeiro que ingresarán polo africano, podería xa encaixar nas sempre axustadas contas viguesas.