O Celta de Vigo renova ao adestrador Claudio Giráldez até 2027 (vídeo)

O Celta de Vigo confirmou a renovación de contrato de Claudio Giráldez, quen continuará á fronte do equipo até 2027, segundo confirmou esta mañá o Club mediante un curioso vídeo no que se ve á presidenta, ao responsable deportivo e ao adestrador falando na bancada.

A decisión foi tomada pola directiva celeste, que ve en Giráldez unha peza fundamental para o desenvolvemento do seu proxecto de canteira a longo prazo.

Con esta renovación, a Celta busca establecer unha base sólida e asegurar a estabilidade no equipo técnico, algo que consideran esencial para cumprir os seus obxectivos deportivos. Hai meses que se sabe de negociacións fluídas e que ambas as partes tiñan un gran interese en concretar o acordo. O anuncio de hoxe non é, por tanto, unha sorprsa.

A extensión de contrato tamén abarca a Javi Rodríguez, cuxa continuidade no equipo estaba en dúbida. O club ten a intención de asegurar a súa permanencia, aínda que aínda están a avaliar as condicións da súa renovación.

O Celta non só centrouse en Giráldez e Rodríguez, senón que tamén está en conversacións con outros xogadores cuxos contratos vencen en xuño. As prioridades e velocidades destas negociacións varían segundo as necesidades e proxeccións do club, que planea pechar estes acordos antes do próximo mercado de inverno. 

Bo arranque de tempada comparado con outros anos

O Celta de Vigo atópase actualmente na 9ª posición da clasificación de LaLiga na tempada 2024/2025. Especificamente, o equipo ten 13 puntos despois de 9 xornadas, cun balance de 4 vitorias, 1 empate e 4 derrotas. Marcaron 16 goles e recibiron 15, o que lles dá unha diferenza de goles de +1. Sen ser espectacular, é un comezo moito máis ilusionante que o de tempadas pasadas, onde o equipo se embarró desde o principio nos postos baixos, sempre no fío do descenso. Incluso un xogador, Óscar Mingueza, empeza a ser chamado con regularidade á seleccion española.

Con todo, a defensa tamén enfrontou problemas, con 15 goles recibidos, o que subliña a necesidade de mellorar nese aspecto para manter unha posición competitiva na táboa. 

O Celta adoptou un estilo de xogo máis dinámico e ofensivo, o que foi ben recibido polos afeccionados. A inclusión de novas incorporacións desde a canteira engadiu frescura ao equipo e permitiu aos xogadores adaptar rapidamente ás esixencias do técnico. 

A pesar dunha recente derrota axustada ante o Vilarreal, o equipo deixou boas sensacións no campo e móstrase optimista sobre as súas posibilidades de competir por un lugar na parte superior da táboa. Quen sabe si hai vimbias para un Eurocelta en 2025.