O Hospital Quirónsalud constata que os xogadores do Leyma Coruña están como touros no seu regreso á ACB

Faltan aínda unhas semanas para botar o balón ao aire e que a competición bote a rodar na liga #ACB. A mellor liga de baloncesto de Europa contará outro ano máis con representación galega e cun regreso moi especial na elite: o do Leyma Coruña. 

Os herculinos volveron ao traballo tras someter aos exames médicos pertinentes da man do Centro Médico Quirónsalud da Coruña e no Hospital Quirónsalud da cidade atlántica. Analíticas, electrocardiogramas, ecocardiogramas e ergometrías para todas as estrelas do cadro laranxa grazas á firma que será o provedor médico oficial do club na súa volta a primeira, ademais de ofrecer consellos sobre saúde aos incondicionais do equipo. 

Os doutores Carlos Mariño e Jose Manuel Vázquez constataron a boa saúde dos xogadores do Club Básquet Coruña. “Esperamos que o equipo afronte os partidos que empezasen a xogar en breve coa mesma enerxía, saúde e éxito cos que superaron estes recoñecementos médicos”, subliñan. 

"Esta unión mostra o compromiso de Quirónsalud A Coruña coa promoción de hábitos de vida saudables, os valores de esforzo e superación que caracterizan a todos os deportistas, que atopan na práctica do deporte un importante instrumento para o coidado da saúde e o benestar persoal", destacan desde a firma médica, que tamén celebra que o centro médico da Coruña converteuse en "un centro de referencia" que ofrece "unha completa infraestrutura técnica e humana".