Fran Mérida, un pretoriano que busca un doce final no CD Lugo

O fútbol ten moitas caras, e Fran Mérida viunas todas. Neno protidigio, gran promesa do fútbol nacional, obrigado a buscar as castañas no estrangero, ídolo en tres ascensos... A carreira de Fran Mérida estivo infestada de éxitos e quilómetros. Da canteira do Barça a ser o ojito dereito de Wenger, de xoguete roto no Atlético de Madrid a dous regresos a Primeira con Osasuna e Espanyol, de ser o primeiro español en marcar en Brasil a probar sorte en China . Unha traxectoria que agora vive un novo capítulo de volta en España e co obxectivo de devolver ao CD Lugo á Segunda División.

Este é un reto que non pilla de novas a Mérida, que xa fixo o propio no seu día cando volveu do Atlético Paranaense para fichar polo Huesca e levalo da extinta Segunda B a Segunda, no que sería a semente dun proxecto que levaría ao Alcoraz até Primeira División. Agora, confía en facer o propio nun Anxo Carro que agarda a velo debutar como local.

Por agora, xa gozou de minutos ante a Real Unión de Irún o pasado fin de semana, no empate a cero que permite aos lucenses non perder máis corda cuns playoff que se atopan xa a oito puntos, unha distancia considerable pero un treito que o Lugo pode percorrer si Mérida mostra do que é capaz e mellora a efectividade dos galegos, un dos equipos con menos gol de todo o campionato.

O seu primeiro test será ante o filial de Osasuna, un dos seus ex e do que levou "o mellor recordo" na súa longa carreira deportiva. Nunha división tan cambiante, o Lugo non pode descoidar, xa que o descenso está a só oito puntos. O obxectivo é recuperar a gloria perdida na cidade amurallada e para iso contan cun pretoriano curtido en mil batallas e que espera pechar a súa carreira deportiva cun último gran éxito. Toda axuda será pouca para a empresa do Lugo.