Lugo, Dépor, Arenteiro e Celta B, encadrados no 'Grupo Norte' da Primeira RFEF, con Madrid "fragmentada"

E como metemos a todos estes en o mesmo saco? A pregunta da RFEF para confeccionar os dous grupos que competirán o ano que vén na terceira categoría do fútbol nacional xa ten resposta. O curso que entra, a campaña 23/24, terá a CD  Lugo, Deportivo da Coruña, Celta B e Arenteiro no Grupo I, que se pode definir como o 'Grupo Norte', que dividirá o Estado en 2 a partir de Madrid, pero non toda Madrid.

Nesta división da Real Federación Española de Fútbol, Raio Majadahonda e Fuenlabrada competirán na liga dos galegos, ademais dos equipos de Castela e León, País Vasco, Navarra, Rioxa, Aragón e Cataluña. Con todo, os filiais de Real Madrid e Atlético de Madrid veranllas con andaluces, valencianos, baleares, estremeños, murcianos e as cidades autónomas de Ceuta e Melilla.

Este ano, despois dos ascensos de Racing de Ferrol, Alcorcón, Amorebieta e Eldense, así como os descensos de Lugo, Málaga, Eivissa e Ponferradina, a organización do campionato resultaba particularmente complicada, ao haber unha gran cantidade de equipos no sur, con até nove equipos en Andalucía. Se se dividiría a liga de Leste a Oeste ou de Norte a Sur era a gran incógnita, que despexou esta mañá a RFEF durante o sorteo do calendario.