As redes sociais cébanse co estado de forma da lenda do Deportivo da Coruña Diego Tristán

Para algúns o paso do tempo non se mide en anos, senón na proxección que temos dos demais. Algúns cren que os días non pasan factura e que sempre seremos todos novas e esculturais. Polo menos, é o que parecen pensar algúns polos seus comentarios en redes sociais, que onte martillearon ao exfutbolista Diego Tristán polo estado de forma que, aos seus 47 anos, demostrou no partido de homenaxe que o Real Betis dedicou á súa lenda, Joaquín, que convidou a un bo puñado de futbolistas e exfutbolistas cos que coincidiu nestes 20 anos de carreira.

Tristán acaparou os focos ao saltar ao terreo de xogo na primeira parte en substitución de Raúl. Mentres que o '7' do Real Madrid e actual adestrador do Castela mantense en plena forma, o dianteiro sevillano non loce igual que nos seus anos dourados no Deportivo da Coruña. 

O mito branquiazul participou no encontro co físico propio de moitas persoas de 47 anos, especialmente aquelas que dedicaron a súa vida ao coidado do corpo e que, unha vez retirados da elite, poden dar todos os caprichos que tiñan que reprimir na súa época como profesionais.

Os comentarios gordófobos foron unha constante onte en redes e mesmo nalgúns medios de comunicación, sorprendidos polos quilos de máis de Tristán, afastado da condición atlética que algúns aínda proxectaban sobre el. De igual maneira, tamén saíron no seu defensa persoas moito máis comprensivas coa nova vida do exfutbolista e cargaron con dureza contra os críticos, que tiveron que agachar a cabeza cando o andaluz tocaba o balón coa mesma clase que no 2002. Algunhas noticias, mesmo, foron retiradas polos comentarios dos afeccionados, que denunciaron o discurso insán de xulgar ás persoas polo seu aspecto físico. 

DIEGOL, LENDA

Cabe mencionar que Tristán retirouse do fútbol profesional en 2010 despois de máis dunha década marcando goles. Tres títulos co Deportivo e un pichichi locen no palmarés dun deportista que defendeu as cores de Betis, Livorno, West Ham, Cádiz ou Mallorca, ademais da Selección Española de Fútbol, coa que xogou o Mundial de Corea e anotou catro tantos. 

Con todo, é xusto destacar que se algo non era 'Diegol' era un futbolista dedicado ao coidado da súa saúde e de manter a liña. As súas saídas nocturnas e os seus excesos son lendarios en Riazor e forman parte do mito no que se converteu o ariete, queridísimo na cidade herculina e merecedor de encomios e cánticos pola afección branquiazul. 

Tan bo recuerdó deixou na Coruña que mesmo conta con temas propios, como o que lle dedicou Boyanka Kostova, lembrando non só a súa calidade no campo, senón a súa traxectoria nos pubs coruñeses.