Pesar no mundo do Mountain Bike pola morte dun ciclista de 51 anos nun circuíto de en Pontevedra

Os feitos ocorreron este martes pola tarde, cando se localizou o corpo sen vida da vítima, de 51 anos, no circuíto de mountain bike da Fracha.

Un forte golpe na cabeza, posiblemente produto dunha caída, apunta a ser a causa da morte do home, veciño de Cambados.

Un home faleceu este martes ao sufrir unha caída cando practicaba ciclismo de montaña nuns circuítos situados no parque forestal da Fracha, en Pontevedra .

O falecido é un home de 51 anos veciño de Cambados (Pontevedra) que saíu da súa casa pola mañá para realizar ciclismo, segundo confirmaron a Europa Press fontes dos servizos de emerxencia.

Ante a tardanza, sobre o mediodía os seus achegados comezaron a buscalo e presentaron unha denuncia ante a Garda Civil. Unha persoa deu a voz de aviso ao redor das 17,00 horas tras localizar o seu corpo sen vida no circuíto de mountain bike da Fracha.

Os primeiros indicios apuntan a que a morte se debeu a un forte golpe na cabeza sufrido tras unha caída.