O soño de xuntar aos Abalde noutras Olimpíadas desvanécese co adeus de Tamara

Tamara Abalde retírase aos 34 anos afectada dunha lesión de ombreiro que a mantivo afastada das canchas na súa última etapa no Ensino. 

Sen a maior dos Abalde en activo, a esperanza de volver ver aos dous irmáns xuntos nuns Xogos termínase despois do vivido en Tokio 2021. 

Antes de que unha cousa chamada Covid-19 golpease as nosas vidas, os deportistas de medio mundo tiñan a vista posta nas Olimpíadas de Tokio 2022. A cita olímpica era a aspiración da elite do deporte mundial, pero en especial dunha familia ferrolá que quería ver sobre a pista aos seus, a dous irmáns co baloncesto nas veas e que tiñan a oportunidade de pasear da man pola vila olímpica tokiota. A pandemia atrasou esa oportunidade que puideron gozar os irmáns Abalde e que anhelaban repetir en París 2024, pero a retirada de Tamara, a maior da dupla que fai con Alberto, pon punto e final a esta ilusión do deporte galego.

Tamara viña de ser campioa no Eurobasket de 2019 e unha peza de valor no combinado nacional. A súa aspiración era regresasr a uns Xogos despois dunha primeira experiencia en Pequín 2008. Alberto, pola súa banda, acababa de fichar polo Real Madrid e buscaba unha entrada para compartir o último baile dos irmáns Gasol nos JJ.OO. Atrasar os Xogos a 2021 complicou o camiño, pero nada evitou o destino dos Abalde, que viviron un momento máxico en Xapón a pesar da adversidade. 

LESIÓNS E RETIRADA

Ese foi o momento culmen dunha familia que desde entón vive momentos moi amargos, sobre todo polas lesións que empezaron a acosar a Tamara e que acabaron coa súa carreira nas pistas. Tras acabar a súa vinculación coa Valencia e un breve paso polo Araski, Tamara decidiu pór rumbo ao Ensino de Lugo, onde nunca terminou de reencontrar polos problemas físicos.  

Esta semana anunciou a súa retirada deportiva despois de case 20 anos ligada ao baloncesto. Unha vida de éxitos deportivos que non puido concluír cun balón nas mans como lle gustou, nin tampouco vestindo unha última vez a camiseta de España nunhas olimpíadas. Agora a esperanza é que Abalde lidere a nove fornada de baloncestistas españois, que este verán conquistaron o Europeo sen o ferrolán, tamén lastrado polas lesións. 

"Foi unha aventura marabillosa, case 20 anos de carreira profesional, infinitas horas de adestramentos, partidos, viaxes e momentos inesquecibles. Experiencias que me converteron na persoa que son hoxe. Só sáeme dar as grazas. Non podería nomear un a un a todos os que me acompañastes durante todos estes anos, pero sei que vós sabedes quen sodes", despediuse Tamara nas súas redes. Maraviolloso foi vela xogar e levar un apelido ilustre polas canchas de medio mundo.