Gonçalo Paciência, preto de pechar a súa etapa en Frankfurt para fichar polo Celta

Tras máis de tres tempadas no club alemán Eintracht de Frankfurt, o dianteiro portugués Gonçalo Paciência está a piques de incorporarse ao persoal do equipo olívico, cubrindo así a posición que o Celta tiña vacante no seu persoal.

Esta nova fichaxe axudaría a emendar a carencia no persoal. Está previsto que nas próximas horas o xogador pase o recoñecemento médico para poder adestrar canto antes cos seus novos compañeiros. O xogador podería pois debutar co club vigués xa este sábado no Trofeo Memorial Quinocho, xogando contra o saudita Ao-Shabad.

CAMPIÓN DE EUROPA

Paciência comezou a xogar no Eintracht Frankfurt no ano 2018 e fixo o seu debut na Bundesliga en 2019 tras recuperarse dunha rotura de menisco. En maio de 2022 gañou co seu equipo a final da Europa League contra o Glasgow Rangers. Agora, pechou xa o seu ciclo co club alemán, co que nun principio tiña asinado un ano máis, ata 2023 e, segundo afirman varios medios, podería asinar un contrato en Balaídos ata o ano 2025.

Con esta incorporación ao club, o Celta alcanzaría a cifra de oito fichaxes que tiña proposto o seu presidente Carlos Mouriño para este mercado, aínda que non descartou nunha comparecencia o pasado luns fichar a dous xogadores máis, dependendo, afirma, "da posición esconómica respecto ao tope salarial que impón a liga".