A Festa do Queixo promociónase na Praza de Abastos de Santiago rodeada de moito sabor

A Praza de Abastos de Santiago de Compostela foi hoxe escenario do pistoletazo de saída da Festa do Queixo de Arzúa, evento para o que resta xa menos dun mes e que está a ultimar os detalles dunha riquísima programación desde o 27 de febreiro até o 1 de marzo na capital quesera por antonomasia, que se prepara para recibir a miles de visitantes.

ALIANZA ENTRE CAPITAIS

O mercado santiagués resulta o mellor lugar para pór en valor xa non só os queixos do D.Ou.P. Arzúa-Ulloa, senón todos os produtos de proximidade dunha terra tan rica como a galega, que só pode entender atendendo tamén á cultura gastronómica do territorio.

O alcalde de Arzúa, Xoán Xesús Carril, a alcaldesa de Santiago de Compostela, Goretti Sanmartín Rei, a concelleira de Festas de Santiago, Pilar Lueiro, e o Concelleiro de Xuventude de Arzúa, Daniel Moscoso, foron os encargados de escenificar a boa sintonía entre as dúas capitais, a galega e a da terra do queixo, con motivo da celebración dunha cita que é "patrimonio de toda Galicia" e que conta co "apoio e complicidade" do Concello de Santiago. 

Os ingredientes para a festa non poden ser os mellores, especialmente despois de que o Festival do Queixo descubrise un cartel irresistible coas actuacións de Dulzaro, Dorian, Dakidarría ou Budiño, entre outros artistas de primeiro nivel tanto do panorama nacional como da escena galega, ademais dos gañadores do último Queixo Maquetón, encargados de cortar a cinta inaugural aos concertos.

A programación deste ano inclúe tamén o Pequequeixo, os torneos de xadrez, o concurso de tapas e petiscos ou a ineludible visita ao recinto feiral, onde unha vez máis decenas de produtores porán sobre os mostradores exquisiteces que van desde o infalibre queixo de Arzúa até meles do país ou anchoas do cantábrico, entre outros moitos.