Arbo impulsa un concurso fotográfico para enxalzar a Festa dá Lamprea e a súa riqueza turística

O Concello de Arbo puxo en marcha a sexta edición do Certame de Fotografía “LXVI Festa dá Lamprea”, un concurso que busca destacar os atractivos turísticos do municipio e render homenaxe ao seu produto estrela: a lamprea. A popular festividade, declarada de Interese Turístico Internacional en 2023, celebrarase este ano do 24 ao 26 de abril.

O certame premiará as imaxes máis orixinais captadas en calquera recuncho do municipio, co obxectivo de mostrar a identidade e patrimonio natural de Arbo. Poderán participar tanto persoas a título individual como entidades de calquera país, sempre que as obras sexan inéditas e o autor garanta a súa autenticidade.

Unha invitación aberta á creatividade

As fotografías deberán enviar ao correo electrónico do Concello (oficinas.concellodearbo@gmail.com), acompañadas do nome ou pseudónimo do autor e a localización onde foi tomada a instantánea. Tamén se admite unha breve descrición da obra. O prazo de presentación finaliza o 16 de marzo de 2026, tras a súa publicación na web e redes sociais da Festa dá Lamprea.

O alcalde de Arbo, Horacio Gil, animou a participar tanto a profesionais como a afeccionados á fotografía. Segundo subliñou, esta proposta é “unha oportunidade para descubrir a riqueza do noso municipio, saborear unha tradición ancestral e gozar da hospitalidade da nosa xente”.

Arbo, situado a beiras do Miño e rodeado de adegas con longa tradición, consolida así a súa aposta por un modelo de turismo respectuoso coa contorna. Os seus viños albariños e a lamprea —un peixe prehistórico que forma parte da súa identidade cultural— son os grandes protagonistas dunha experiencia turística que combina historia, sabor e natureza.