Volve Boyanka Kostova cun novo disco debaixo do brazo e co seu primeiro e makinero adianto

Chicho e Cibrán; Cibrán e Chicho, de novo en acción. Boyanka Kostova volve á carga cun novo álbum para arrincar este 2026 onde o dúo celebra dez anos de música. Como non podía ser doutra forma, o novo disco levará por título 'X', toda unha declaración de intencións para festexar esta década de sons bailongos, desacomplejados e experimentais, que veñen acompañados dun lanzamento que non deixará a ninguén indiferente.

"HITS IMPEPINABLES"

Trátase de 'Trae ese cú', o adianto deste novo traballo que moi pronto verá a luz e que se presenta cun videoclip ao máis puro estilo Boyanka, coa mesma enerxía coa que unha profesional búlgara da halterofilia levantaba pesos para, máis tarde, dar nome a este proxecto musical que xa ten dous díxitos no seu percorrido. 

Non será até primavera cando a parella descubra todas as cartas que esconden baixo a manga, deixando ver leste as co que se presentan ao público, sen renunciar aos ritmos urbanos pero, agora, retumbando os altofalantes cun son máis próximo á música electrónica e menos cachondo, pero igual de vándalo e provocador nas súas letras.

De feito, sexa a quen sexa que vai dirixida a canción, o mellor é que se esconda o mellor posible, porque Boyanka Kostova vai a por el, buscando saldar unha débeda neste primeiro adianto tan rompedor como agresivo, talvez preparando a pista para, como anuncian, "unha ristra de hits impepinables" que chegarán na primavera.