Familia Caamagno prepara o terreo para o seu novo LP co lanzamento de 'Bomba de calor'
O novo disco dos de Sigüeiro verá a luz o próximo 23 de xaneiro.
Xa non queda nada para descubrir en que estiveron traballando os integrantes de Familia Caamagno nos últimos meses. O próximo 23 de xaneiro sairá, por fin, 'Disco comarcal', o novo traballo da banda galega que, a fin de aliviar aos fans cos dentes longos, publicaron un pequeno adianto do que está por vir.
CONCERTO O 6 DE FEBREIRO
Trátase de 'Bomba de calor', terceiro e último sinxelo antes da publicación do disco, onde abordarán asuntos que van desde a crise da vivenda até a ansiedade, como se pode ver neste "bombazo".
Con tres lustros ás súas costas, a banda consolidouse como unha das formacións máis demandadas no panorama galego, onde son xa toda unha referencia no power pop que abanderan, sen deixar de lado asuntos sociais nas súas letras como nesta ocasión, onde fan unha crítica á sociedade consumista.
O tema, que chega acompañado dun videoclip baixo a dirección de David Silva, é a antesala da gran estrea do álbum e do concicerto de presentación de 'Disco comarcal', que terá lugar o próximo 6 de febreiro na Sala Capitol de Santiago de Compostela.
Escribe o teu comentario