O Castelo de Soutomaior, primeira fortaleza galega co certificado 'S' de Sustentabilidade

A Deputación de Pontevedra obtivo o certificado 'S' de Sotenibilidad para o Castelo de Soutomaior, que se converte así na primeira fortaleza de Galicia en conseguilo. Tal e como sinalou o Goberno provincial nunha nota de prensa, ademais deste "fito", o recinto histórico converteuse no segundo museo galego en recibir este certificado, tras conseguilo anteriormente o Museo de Pontevedra.

A 'S' de Sustentabilidade recoñece as "boas prácticas" aliñadas cos Obxectivos de Desenvolvemento Sostible e a xestión responsable do destino. Neste sentido, a Deputación sinalou que o feito de que o Castelo de Soutomaior e o Museo de Pontevedra consigan o certificado "revalida o seu compromiso coa sustentabilidade e a excelencia turística".