Sanguijuelas do Guadiana prepara a súa chegada ao Náutico de San Vicente do Mar para o seu tour por Galicia

Atopar o camiño que leva á fama é complicado. Non hai unha fórmula secreta e, se a hai, coñécena uns poucos. Talvez sáibana os integrantes de Sanguijuelas do Guadiana, a banda que está na fala da xente dun tempo para acó, pois estes monstros de río son a banda de moda no panorama nacional e comezaron a remontar as augas para ofrecer unha serie de concertos en Galicia cos que despedir o verán e dar a benvida ao outono. 

CINCO DATAS EN GALICIA

Os estremeños son, por dereito propio, unha das formacións do momento. O seu verán foi intenso, cheo de datas por todo o territorio nacional, pero coa súa particular enerxía teñen resuello para unha mini xira por Galicia con datas entre setembro e outubro para que todos poidan gozar do seu estilo rompedor.

A primeira para será nun clásico como é O Náutico de San Vicente do Mar, no Grove, onde arribarán o próximo 5 de setembro. Será a antesala á súa actuación en Burela, só un día despois e no marco do Festival Osa do Mar, que ten preparado un cartel de relumbrón con outros grandes nomes como Marlena, As Ninyas do Corro, Siloé, Baiuca, Ortiga, Yoly Saa ou Repion, entre outros.

Non abandonarán Galicia nas primeiras semanas de setembro, pois Vilanova de Arousa, o día 11 na estrea dunha nova edición do Resesas xunto a The Rapants, Hugo Guezeta, Buhos, Galician Army ou Dubioza Kolektiv, e Cedeira, o 12, serán as súas seguintes paradas. 

Talvez tanto concerto en tan pouco tempo pille a algún fan fóra do país. Non pasa nada, porque terán unha nova oportunidade para velos en directo en Vigo, o próximo 17 de outubro na Sala Supersonic como parte do Ciclo Momentos Alhambra. Será, de momento, a última data do grupo en Galicia neste 2025, á espera de que saian máis data para un 2026 que promete estar igual de cargado de compromisos e que, sen dúbida, traerá de volta aos chupasangres polo noroeste.