Cartel da Candeloria Pista Extra: Talco, Evaristo Páramos, Catalina Grande Piñón Pequeno, Manolo Kabezabolo...

A Candeloria multiplícase. Tras o éxito da súa edición de primavera, o festival lucense terá unha segunda parte na súa A Candeloria Pista Extra, un festival programado para o próximo 29 de novembro no Pazo de Feiras e Congresos de Lugo e que, unha vez máis, será referencia do ska e o punk. 

ÚLTIMAS ENTRADAS

Entre as súas confirmacións destacan Evaristo Páramos, voz mítica da Polla Records ou Gatillazo que ofrecerá na cidade amurallada o seu único concerto en Galicia neste 2025. Ao vitoriano súmanse outros artistas de calado como os italianos Talco, unha das bandas máis puxantes do seu xénero, ou Catalina Grande Piñón Pequeno, que regresan ao festival lucense tras rompela o ano pasado. 

Á listaxe hai que engadir a Manolo Kabezabolo, un clásico do punk nacional, e Faul, grupo pontevedrés que está a ser toda unha sensación na escena do país. 

Con estes ingredientes, e a falta de coñecer as últimas fichaxes para o festival, o ritmo de venda de entradas está a ser frenético e desde a organización detallan que nos despachos de billetes quedan medio milleiro de tickets á venda. Ademais, para facilitar a mobilidade A Candeloria Pista Extra disporá autobuses desde A Coruña e Santiago de Compostela para que os festivaleros poidan desprazar até Lugo.