Só queda sitio nun terzo das carreiras das universidades de GALICIA.
Dous terzos dos graos que ofertan as universidades públicas galegas --132 dun total de 194, o 68%-- xa están completos e non aceptan máis alumnos despois do segundo chamamento á matrícula que realizou este luns a Comisión Interuniversitaria de Galicia (CiUG).
A que menos oferta ten libre é a Universidade de Santiago de Compostela (#USC), con 54 titulacións de 66 con todas as súas prazas cubertas, o 81,8%. Séguelle a da Coruña (UDC), con 35 carreiras pechas dun total de 55, o 63,6%.
Pola súa banda, a Universidade de Vigo (UVigo), que no primeiro chamamento celebrado a semana pasada non se completou ningún dos seus graos, no deste luns pechou 43 dunha oferta de 73 titulacións, un 58,9%.
Os alumnos que resulten convocados nalgunha das titulacións terá de prazo desde as 00.01 horas deste martes até as 23.59 horas do mércores para formalizar a matrícula.
No entanto, aínda poden esperar a que en futuros chamamentos sexan convocados a outra titulación de maior preferencia, xa que haberá até nove cortes até o mes de outubro. O seguinte será este venres, 18 de xullo.
Os alumnos que fixesen a convocatoria extraordinaria da Proba de Acceso á Universidade (PAU) incorporaranse ao cuarto chamamento, que será o 24 de xullo, pero se atoparán con que a gran maioría dos graos xa están completos.
Este é a listaxe publicada por CiUG:
Escribe o teu comentario