Continúa aberto o prazo para presentar candidaturas ao Premio Otero Pedrayo 2025 da Deputación de Pontevedra
Poderán optar ao premio as persoas naturais nadas ou residentes en Galicia, os grupos de traballo radicados en Galicia ou constituídos para promover a cultura galega e as personalidades ou institucións que se caractericen pola difusión e mantemento da cultura galega
A Deputación de Pontevedra será a anfitrioa do Premio Otero Pedrayo 2025, que mantén aberto até o vindeiro venres, día 6 de xuño, o prazo para presentar candidaturas.
O premio, cuxas bases poden consultar no Boletín Oficial da Provincia, trátase dunha iniciativa conxunta das catro deputacións galegas e da Xunta que se organiza cada ano.
O galardón ten por obxecto perpetuar e honrar a memoria dunha persoa destacada no campo das letras e do coñecemento, ou ben unha tarefa que constitúa unha contribución eminente á cultura galega e promova os valores propias de Galicia ou aquelas obras que leven ao esclarecemento e á mellora da cidadanía e institucións galegas.
Desta forma, poderán optar ao premio as persoas naturais nadas ou residentes en Galicia, os grupos de traballo radicados en Galicia ou constituídos para promover a cultura galega e as personalidades ou institucións que se caractericen pola difusión e mantemento da cultura galega.
Escribe o teu comentario