Cartel do Río Verbena Fest: Coque Malla, Álvaro de Lúa, Nil Moliner, Andrés Suárez, YSY A, Pignosie...
O festival, do 22 ao 23 de agosto, porá as súas entradas á venda a partir deste mércores 5 de marzo ás 13 horas.
O festival de música pop e indie 'Río Verbena Fest' regresa o 22 e 23 de agosto deste 2025 á cidade de Pontevedra con Coque Malla e Álvaro de Lúa como cabezas de cartel, a falta de confirmar aínda a varios artistas.
Segundo trasladou a organización nunha nota de prensa, as entradas, que se esgotaron en 2024, estarán a venda na páxina web do evento, rioverbena.com, desde este mércores 5 de marzo ás 13,00 horas. Os prezos partirán dos 49 euros con gastos de xestión incluídos.
Será de novo a chaira exterior do recinto feiral de Pontevedra a que acolla este evento musical, en concreto a súa cuarta edición, na que estarán presentes, ademais de Coque Malla e Álvaro de Lúa, cantantes como Nil Moliner e Andrés Suárez, quen non ofrecerá máis concertos en Galicia este ano.
Así mesmo, o 'Río Verbena Fest' subirá ao escenario ao barcelonés Carlos Sadness, ao grupo de pop-punk español Pignoise e ao internacional trapero e rapero arxentino YSY A ..
Do mesmo xeito, o festival, que defende a "aposta polos talentos emerxentes" e o "compromiso coas raíces locais e nacionais", contará coa presenza de grupos españois, como Mälmo 040, e de artistas galegos, como a viguesa Carla Lourdes e o coruñés Taïn.
Escribe o teu comentario