A Banda da Loba lanza 'Lovismo', quinto traballo da formación que estreará en febreiro na Capitol

Os aullidos comezaron a ouvir en canto o reloxo marcou as 12. Era o sinal de que 'Lovismo', o último disco da Banda da Loba, estaba xa dispoñible para os fans a partir deste 17 de xaneiro, data na que os once temas que compoñen este quinto traballo da formación soan xa en todas as plataformas co amor, en todas as súas formas de expresión, desde as máis primarias, como o amor por un fillo, até as máis salvaxes, como o desexo irrefreable, son o eixo desta nova proposta.  

DIRECTO O 1 DE FEBREIRO

'Olliños', 'Salta', 'Amigas' ou 'Lova', o tema que practicamente dá nome a todo o traballo, son algúns dos sinxelos que compoñen este traballo, capaz de mesturar a Rosalía de Castro con Bob Dylan e transitar entre bachatas e cancións máis pop, o que fala e moi ben das capacidades do grupo para adaptar a distintos ritmos ou mesmo para pór unha lavadora como acompañamento musical para algún dos seus temas. 

Para gozar do directo de ABDL haberá que esperar un pouco máis, até o 1 de febreiro, momento no que a manda sairá a escena na Sala Capitol de Santiago de Compostela co concerto de apertura da xira de actuacións coas que presentarán o disco ao longo de 2025.

Esta "festa licántropa" contará coa presenza de Tomé Mouriño, de De Ninghures, ou De Vacas, ademais dos músicos Adrián Real, Manu Doel, Lara Porto e Cristóbal Fernández, que acompañarán á Andrea Porto, Ronsel Rodríguez, Marcela Porto, Xiana Lastra e Iria de Cabo, última en sumar á manda tomando a guitarra no sitio de Inés Mirás.