Nace o Festival BIGSOUND Pontevedra: Amaia, Nicky Jam, Omar Montes, Cali e O Dandee, Ptazeta, Tanxugueiras...

Imos ao BIGSOUND este verán? Non, non fai falta mirar por billetes de avión, nin AVE, nin coches que nos leven até Valencia, porque esta vez a montaña veu até Mahoma. E é que o festival, cun xa consumado percorrido no Mediterráneo, desdóbrase cunha primeira edición a beiras do Atlántico, escollendo unha provincia das máis festivaleras do país como é Pontevedra e coa Boa Vila como cada da I Edición do Festival BIGSOUND Pontevedra.

MÚSICA URBANA DE VALENCIA A PONTEVEDRA

Para sorpresa dos máis festivaleros, o Parque de Tafisa transformarase do 11 ao 12 de xullo en epicentro da música en Galicia cun novo festival que promete dar moito que falar e que ten todo para botar raíces na zona. O prestixio do BIGSOUND, coa aposta pola música urbana como selo, é a mellor carta de presentación desta cita que amplía a xa de seu rica oferta cultural no norte peninsular para o verán de 2025. 

Aínda quedan moitos nomes por sumar a este evento, pero a primeira fervenza de confirmacións non deixa indiferente a ninguén, con artistas internacionais como Nicky Jam ou Cali e O Dandee, o que deixa ás claras que o reguetón será un dos ritmos do verán a beiras do Lérez. Juan Magán, Amaia, Omar Montes ou Abraham Mateo son algúns dos nomes propios da música nacional que tamén deron o si á súa visita á ría de Pontevedra o próximo xullo. 

Ademais, o festival parece tamén dedicar un espazo á música do país coa confirmación das Tanxugueiras. A Zowi, Ptazeta, Julieta, María Escarmento, Figa Flawas, Marc Seguí e DePol completan esta primeira remesa de artistas neste festi que promete ser dos máis multitudinarios de toda España e que porá a súa primeira fornada de entradas á venda o vindeiro luns 25 de novembro. 

Non é a primeira vez que o BIGSOUND sae de Valencia, xa que o verán pasado deu o salto a Sevilla cun novo éxito de crítica e público. Cun quinto aniversario cociñar a lume lento na cidade do Turia, agora é Pontevedra a que atrae todas as miradas con esta cita que organizan BS Entertainment e PlayPlan xunto co Concello de Pontevedra. "Ademais de levar a Galicia a mellor música urbana, o festival busca xerar un impacto positivo nos ámbitos económico, cultural e social, creando un espazo onde públicos, marcas e proxectos poidan conectar e colaborar", destacan os organizadores desta cita que xa está marcada en vermello no calendario festivalero.