Aleixandre Lago, gañador do 'V Premio de poesía Florencio Delgado Gurriarán'

Aleixandre Lago Barcala resultou o gañador do 'V Premio de Poesía Florencio Delgado Gurriarán', convocado pola Fundación que leva o nome do poeta de Ou Córgomo.

O premio foi desvelado este sábado 26 de outubro nun encontro celebrado no Bolo e ao que acudiron tamén os outros poetas finalistas, Daniel Barral e Benjamín Vidal.

Os tres autores tiveron ocasión de recitar os seus poemas nun evento conducido polo actor e músico valdeorrés Paco Campos e no que tamén interveu o músico Raúl Diz, membro do xurado.

O autor premiado cursou estudos de Filosofía e Filoloxía clásica. Colaborou como tradutor e axudante de dirección na compañía Teatro do Atlántico.

Como escritor, xa resultara finalista en dúas edicións do Premio de Poesía Díaz Jácome. Tamén publicou o libro 'Cartafol de Miraxes', gañador do 'XXIV Certame Literario de Vilalba' no ano 2018.