Arrinca o Caudal Fest, a última festa do verán, coa vista posta nas minchas

As tendas de campaña xa se están deixando ver nos arredores do Pazo de Congresos e Feiras de Lugo, o lugar onde este venres 20 de setembro o pano do verán en Galicia comeza a baixar a medida que comezan a soar os primeiros acordes das bandas que este ano iluminarán unha nova edición do Caudal Fest, un dos grandes eventos do panorama musical galego. 

Este venres saen a escena as bandas dun cartel que no seu VIN Edición inclúe na súa proposta a Amaral , Arde Bogotá, Ginerbras, Siloé, Carlangas e Os Cubalibres, Viva Suecia ou Mikel Izal, que elixiu con Izal este festival en 2022 para a súa despedida dos escenarios galegos e volve escoller a Lugo como a cidade na que reaparecer nos festivais da comunidade sendo esta a súa única data do verán en Galicia. Se sumamos a toda esta constelación de estrelas a Ladilla Rusa, Parkineos, Monulious Dop ou Varry Brava, entre outros, a música non parará de soar até ben entrada a madrugada do sábado ao domingo.

No entanto, foi o xoves cando se cortou a cinta inaugural na presentación do eventó, que contou coa participación de Iván Méndez, CEO da promotora Bring The Noise e Director de Caudal Fest, Juan Martínez Inchausti, responsable de patrocinios musicais de Estrela Galicia, de Javier Arias, delegado da Xunta de Galicia en Lugo, José Tomé Roca, presidente da Deputación de Lugo, e Paula Alvarellos, alcaldesa do Concello de Lugo.

"Estamos ante a edición máis grande do noso festival até a data. Serán máis de 40.000 persoas as que asistirán a esta edición. O festival segue crecendo ano tras ano e non hai maior signo da confianza que deposita o público en nós que esta ",celebrou o director do festival, á vez que recalcou a importancia que ten este evento para a cidade, cunha ocupación do 100% na hostalaría da comarca durante este fin de semana. 

Ademais, como novidade este ano o Caudal propón actividades paralelas como a actuación de onte de Virtua Tenis no Coliving Artístico, en colaboración co Concello, ou a sesión vermuth que ofrecerá o sábado ás 13 horas o dúo Galician Army nas Caldas do Miño.

PREVISIÓN DE CHOIVA E MOITA MARCHA

Coa previsión de que 40.000 persoas achéguense ao terceiro festival máis grande de toda Galicia, son moitos os que seguen con atención a previsión do tempo que, por desgraza, non é todo o boa que cabería esperar. Os organizadores convidan o público a levar "calzado cómodo e roupa axeitada para a choiva" e subliñan que fixeron "todos os rituais posibles para evitar a choiva". 

Espéranse precipitacións ao longo deste venres e nas primeiras horas de festival do sábado, aínda que os avances indican que pola tarde do sábado amainará a choiva e quedará un tempo ideal para gozar dun festival ao que ningún vendaval pode facer languidecer. Porque, si chove, que chova. Ás nutrias non lles fai mal a choiva e aos caudaliños tampouco.