Ponteareas estrea o Arcanxo Festival, unha cita para os máis metaleros con Enforcer, Evil Invaders, Intres de Porão...
O festival celebrarase os días 19 e 20 de xullo en Ponteareas e as entradas están xa á venda.
Cada verán, Galicia convértese nun gran escenario. Aquí e alá podemos atopar festivais de música cunha riquísima oferta cultural que se adaptan a todos os gustos. E, se non o hai, invéntase, como ocorreu en Ponteareas, onde deron a coñecer a nova proposta, o Arcanxo Festival, un evento onde o heavy metal atopa o seu lugar neste recuncho das Rías Baixas con grupos de talla internacional.
É, ademais, unha gran novidade considerando que o festival se desenvolverá os días 19 e 20 de xullo, dentro de só un mes, na Freixa, na parroquia de Ribadetea. En cuestión de 30 días desfilarán por Ponteareas bandas procedentes de Brasil, como Intres de Porão, de Suecia, como Enforcer, ou Bélxica, como Evil Invaders, sen esquecer ás que teñen selo nacional, como Angelus Apatrida.
As entradas están xa á venda na web do festival e, nesta primeira edición, os menores de 12 anos terán entrada gratuira, como informan os organizadores ITP Promotions, 138 Producións e We Play Metal, firma de roupa local que esponsoriza a cita. Tamén a zona de acampada será gratuíta para alegría dos festivaleros,
“O recinto do festival estará xunto á praia fluvial da Freixa, un espazo de lecer fermoso no que mergullar antes de que abran as portas do festival, ou mesmo entre concerto e concerto”, detallan os organizadores, que han programados máis dunha ducia de concertos entre os que s eincluyen Rise to Fall, Man de Pedra, Milhomes, Strikeback, Brothers Till We Die, Aneuma, As Life Burns, Balmog e Cochambre.
![Unnamed (14)](/multimedia/images/6761078.jpg)
“Estamos encantados de contar con bandas de tanto nivel e que representan a practicamente todos os diferentes estilos do música metal”, subliñan os organizadores, á vez que apuntsa que a súa aposta foi a de . “comezar cun cartel ao grande” e que o seu é “un festival que vén para quedar”.
Escribe o teu comentario