Luís García-Rey presenta a súa premiada novela 'Loor' no Corte Inglés do seu Vigo natal

O Premio Primavera de Novela é sempre un trampolín para todos os escritores que levan este prestixioso galardón. No caso de Luís García-Rey o que supón é un empuxón para seguir profundando nun universo que lle deu case tantas alegrías como aos seus lectores coñecer máis sobre Axel Nash e Loor Galván, os protagonistas da última trama que lle valeu para gañar este premio. 

Unha mensaxe de Whatsapp, un cadáver e moitas incógnitas en torno ao inspector Axel Nash e a súa compañeira Loor Galván. Unha serie de asasinatos por resolver e o reloxo que corre en contra dos protagonistas, que deberán atar todos os cabos soltos en 'Loor', un thriller trepidante que supón un segundo tomo do cosmos de García-Rey tras a publicación de 'Axel', a súa primeira novela.

A presentación de 'Loor' terá lugar este mércores 3 de abril nos grandes almacéns olívicos coa participación do autor a partir das 19 horas no restaurante do centro comercial, na sétima planta do edificio.