O SonRías Baixas xa ten datas para superar a si mesmo: 1, 2 e 3 de agosto

Como un corredor de 100 metros lisos, o Festival SonRías Baixas nunca está contento coa súa marca. Por moito que estableza un rexistro de marca, a cita musical de Bueu persegue a excelencia, inalcanzable para un evento tan autoexigente e que cada ano deixa miles e miles de fans satisfeitos. Como non podía ser doutra forma, o próximo 2024 regresará ao grande, cun novo obxectivo entre cella e cella e coa seguridade de ser un dos festivais de referencia do país.

Así, e despois de soprar 20 velas este 2023, o SonRías Baixas dá cita a todos os amantes da boa música para os días 1, 2 e 3 de agosto. Dúas décadas de experiencia avalan a este evento que promete dar a coñecer ás súas primeiros cabezas de cartel en xaneiro, mes no que tamén indicarán cando e como conseguir os cotizados abonos. 

O pasado verán foron preto de 22.500 persoas, "marca histórica nos 20 anos de celebración", as que se arrimaron á península do Morrazo a saltar co Adhesivo, Natos e Waor, Arde Bogotá, Boikot ou Grande Amore nunha proposta en grao sumo variada e do gusto de todos os públicos. O SonRías suma e segue, infatigables na súa carreira por ser os mellores.