Cartel Río Verbena Fest 2024: Amaral, Baiuca, Os Zigarros, Viva Suecia, Siloé, Vicco...

O Río Verbena Fest, a pesar da súa insultante mocidade, é xa un evento consolidado no universo festivalero. En só tres anos converteuse nunha das citas do verán galego e para este 2024 proxectan unha programación en grao sumo rica para satisfacer a todos os oidos. A Chaira Exterior do Recinto Feiral de Pontevedra será unha vez máis o punto de encontro para gozar da mellor música a beiras do Lérez.

Nas primeiras confirmacións do festival, que xa ten as súas entradas á venda na súa web, destacan nomes da primeira plana do pop e o indie nacional. Amaral, Lori Meyers ou Os Zigarros son algúns das cabezas de cartel, ben flanqueados por Viva Suecia, Baiuca, Sarria, Vicco ou Siloé.  

Só en 2023 foron 20 artistas arroupáronos aos miles de asistentes que se achegaron á II Edición deste festival que se define como unha iniciativa para acoller a unha "amálgama de artistas talentosos". 

"A diversidade musical e a participación fervente do público converxeron para crear unha experiencia inesquecible. Este evento, marcado pola súa mestura única de variedade e calidez, xunto á súa cómoda localización, logrou superar expectativas nas súas anteriores edicións e contribuír a consolidar Pontevedra como un destino imperdible no calendario musical", celebran. Van de cabeza a por a terceira e, sen coñecer a totalidade do cartel, a carne que colocaron no asador é de primeira calidade.