O museo Marco de Vigo acollerá este luns o ciclo 'Revisando a nosa arte' que analizará a obra de Rafael Baixeras

Unha nova xornada do ciclo 'Revisando a nosa arte' chega este luns ao Museo MARCO de Vigo para analizar a obra artística de Rafael Baixeras.

Segundo informou o Consello da Cultura Galega, a cita estará coordinada por Miguel Fernández-Cid e será presentacial ás 17:00 no Museo.

A obra do pintor foi analizada en varias monografías e valorada en mostras retrospectivas. Así, co obxectivo de ampliar o coñecemento sobre a súa obra nesta xornada analizarán a súa traxectoria artística, profundarán no seu ideario estético e confrontarán a súa pintura coa realizada por outros creadores.

A sesión contará cos relatos do director do Marco de Vigo, comisario de mostras sobre Baixeras e coordinador da xornada, Miguel Fernández-Cid, do poeta, crítico de arte e comisario de exposicións Xavier Seoane, e do irmán do artista, poeta e tradutor, Xavier Rodríguez Baixeras.