Cine gratis no CityBlue Filme Festival Vigo que celebra a diversidade de talentos emerxentes
O CityBlue Films Festival volve a Vigo e reafirma o seu compromiso cos novos talentos e as producións independentes, proporcionando un espazo gratuíto para a exhibición e ofrecendo un valioso premio de distribución a pequenos filmes. A sétima edición empeza o vindeiro luns e dura até o 2 de decembro.
A Selección Oficial deste ano conta con películas que abarcan xéneros diversos, desde estreas mundiais até producións españolasy galegas. Esta parte do programa inclúe 5 longametraxes e 30 curtametraxes coidadosamente seleccionadas.
Do 29 de novembro ao 2 de decembro, o Auditorio do Concello de Vigo será o epicentro das proxeccións, con seccións de Longametraxe Internacional, Longametraxe Galicia, Curtametraxe Xeral e Curtametraxe Galicia, todo con entrada gratuíta.
Nun esforzo por enriquecer a experiencia do festival, levará a cabo unha dobre conferencia o 1 de decembro ás 17:00h no Auditorio do Concello de Vigo. Anxo da Cruz, recoñecido guionista, director e produtor de cine, xunto con Delia Guerra, directora de Movibeta, compartirán os seus coñecementos sobre a produción e distribución de cine independente.
A inauguración oficial, o 27 de novembro ás 19:00h en Cines Teatro Salesianos, presentará a longametraxe "Ou home e ou can" dirixido por Anxo da Cruz. Máis detalles en Cines Teatro Salesianos
A Sección Infantil e Estudantil ofrecerán proxeccións únicas no Auditorio do Colexio Jesuitinas Miralba e no Auditorio da Escola de Imaxe e Son de Vigo, respectivamente.
A Gala e entrega de premios, programada para o 2 de decembro ás 20:00h no Auditorio do Concello de Vigo, será presentada pola actriz e produtora Raquel Menor. Ademais, outorgarase o primeiro Premio Honorífico do 7ºCBFF Festival Internacional de Cine en Vigo a Anxo da Cruz, en recoñecemento á súa destacada contribución ao mundo cinematográfico e o seu apoio a talentos emerxentes.
O xurado desta edición, composto por destacadas personalidades do mundo do cine como Beatriz Serén, Reinaldo Pereira, Darío Autrán, Delia Guerra e Sylvia Fernández, .
Escribe o teu comentario