Falece a escritora brasileira Nélida Piñón
Foi membro de honra da Real Academia Galega e primeira muller honoris causa pola USC
Na tarde deste pasado sábado en Lisboa falecía a escritora brasileira Nélida Piñón, membro de honra da Real Academia Galega e primeira muller en ser nomeada honoris causa pola Universidade de Santiago de Compostela. Trátase dunha das máis grandes figuras das letras brasileiras contemporáneas. Naceu en Rio de Janeiro en 1937, filla de pais galegos, procedentes de Cotobade e Carballedo.
Licenciada en Xornalismo , formouse na Facultade de Filosofía da Pontificia Universidade Católica do Rio de Janeiro. A súa obra literaria foi recoñecida con numerosos premios, galardóns e distincións en países Latinoamericanos, ademais de en Galicia , España, Francia e Portugal.
A súa xenerosidade intelectual con Galicia foi unha constante ao longo da súa vida, en palabras do académico Ramón Villares, na resposta ao seu discurso de ingreso na #RAG no ano 2014.
Escribe o teu comentario